Qazaqstan Respýblıkasy Investısııalar jáne damý mınıstrliginiń buıryǵy №450

2016 jylǵy 6 sáýirdegi Qazaqstan Respýblıkasynyń Zańy 50-babynyń 2-tarmaǵyna sáıkes buıyramyn: 1. «Avtomobıl kóligimen jolaýshylar men bagajdy tasymaldaý qaǵıdalaryn bekitý týraly» Qazaqstan Respýblıkasy Investısııalar jáne damý mınıstriniń mindetin atqarýshynyń 2015 jylǵy 26 naýryzdaǵy №349 buıryǵyna (Normatıvtik quqyqtyq aktilerdi memlekettik tirkeý tiziliminde №11550 bolyp tirkelgen, «Ádilet» aqparattyq-quqyqtyq júıesinde 2015 jylǵy 15 shildede jarııalanǵan) mynadaı ózgerister engizilsin: kórsetilgen buıryqpen bekitilgen Avtomobıl kóligimen jolaýshylar men bagajdy tasymaldaý qaǵıdalarynda: 344-tarmaq mynadaı redaksııada jazylsyn: «344. Oblystardyń (respýblıkalyq mańyzy bar qalanyń, astananyń) jergilikti atqarýshy organdary avtovokzaldar, avtostansııalar jáne jolaýshylarǵa qyzmet kórsetý pýnktteri qyzmetin bastaý nemese toqtatý týraly habarlamany qabyldaýdy júzege asyrady. Zańdy nemese jeke tulǵalar avtovokzaldar, avtostansııalar jáne jolaýshylarǵa qyzmet kórsetý pýnktteri qyzmetin bastaý nemese toqtatý týraly habarlamany elektrondyq nemese qaǵaz nysanda «Habarlamalar nysandaryn jáne Memlekettik organdardyń habarlamalardy qabyldaý qaǵıdalaryn bekitý týraly, sondaı-aq habarlamalardy qabyldaýdy júzege asyratyn memlekettik organdardy aıqyndaý týraly» Qazaqstan Respýblıkasy Ulttyq ekonomıka mınıstriniń 2015 jylǵy 6 qańtardaǵy №4 buıryǵyna (Normatıvtik quqyqtyq aktilerdi memlekettik tirkeý tiziliminde №10194 bolyp tirkelgen) sáıkes beredi.»; 366-tarmaq mynadaı redaksııada jazylsyn: «366. Avtovokzaldar, avtostansııalar jáne jolaýshylarǵa qyzmet kórsetý pýnktteri óz qyzmetin mynadaı jaǵdaılarda jergilikti atqarýshy organdardyń sheshimi boıynsha toqtatady: olar osy Qaǵıdalardyń 350, 351 jáne 352-tarmaqtarynyń talaptaryna sáıkes kelmegen kezde; osy Qaǵıdalardyń 348 jáne 349-tarmaqtarynda kózdelgen negizgi fýnksııalardy tıisinshe oryndamaǵan kezde; olardyń qyzmetteri QR ST 2271-2012 «Avtovokzaldar, avtostansııalar jáne jolaýshylarǵa qyzmet kórsetý pýnktteriniń qyzmetteri.» ulttyq standarttyń talaptaryna sáıkes kelmegen kezde.». 2. Qazaqstan Respýblıkasy Investısııalar jáne damý mınıstrliginiń Kólik komıteti (Á.A. Asavbaev): 1) osy buıryqty Qazaqstan Respýblıkasy Ádilet mınıstrliginde tirkeýdi; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin onyń kóshirmelerin baspa jáne elektrondyq túrde kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq tirkelgen buıryqty alǵan kúnnen bastap bes jumys kúni ishinde Qazaqstan Respýblıkasy normatıvtik-quqyqtyq aktileriniń etalondyq baqylaý bankine engizý úshin Respýblıkalyq quqyqtyq aqparat ortalyǵyna jiberýdi; 3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy; 4) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Investısııalar jáne damý mınıstrliginiń Zań departamentine osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin. 4. Osy buıryq alǵashqy resmı jarııalanǵan kúninen keıin kúntizbelik jıyrma bir kún ótken soń qoldanysqa engiziledi. Qazaqstan Respýblıkasynyń Investısııalar jáne damý mınıstri Á.ISEKEShEV «KELISILGEN» «KELISILGEN» «KELISILGEN» Qazaqstan Respýblıkasynyń Qazaqstan Respýblıkasynyń Qazaqstan Respýblıkasynyń Densaýlyq saqtaý jáne áleýmettik Ulttyq ekonomıka Ulttyq ekonomıka mınıstriniń damý mınıstri mınıstri mindetin atqarýshy ________________ T. Dúısenova ________________ Q. Bıshimbaev ________________T. Jaqsylyqov 2016 jylǵy «___» ___________ 2016 jylǵy «___» ___________ 2016 jylǵy «___» ___________ Buıryq Qazaqstan Respýblıkasynyń Ádilet mınıstrliginde 2016 jylǵy 27 maýsymda Normatıvtik quqyqtyq kesimderdi memlekettik tirkeýdiń tizilimine №13835 bolyp engizildi.